दिल्लीको रोहिणीस्थित अदालतमा गोली चल्यो, एक गुुण्डा नाइकेसहित तीनको मृत्यु
भारत दिल्लीको रोहिणस्थित अदालत परिसरमा भएको गोली हानाहानमा एक गुण्डा नाइकेसहित तीनजनाको मृत्यु भएको छ।
नयाँदिल्ली, असोज ८ : भारत दिल्लीको रोहिणस्थित अदालत परिसरमा भएको गोली हानाहानमा एक गुण्डा नाइकेसहित तीनजनाको मृत्यु भएको छ ।
प्रहरीलाई उद्धृत गर्दै भारतीय सञ्चार माध्यमहरूले जनाएअनुसार मारिनेमा जितेन्द्रमान गोगी नामका गुण्डा नाइके छन् ।
गोगीमाथि गोली चलाएका दुई आक्रमणकारीहरू माथि प्रहरीले जवाफी फायरिङ गरेको थियो । आक्रमणकारीहरूले वकिलको पोशाक पहिरिएर आएका थिए ।
घटनामा दुई महिला वकिलसहित तीनजना घाइते भएको बीबीसी हिन्दी सेवाले जनाएको छ ।
दिल्ली प्रहरीका कमिस्नर राकेश अस्थानाका अनुसार रोहिणी अदालतमा गुण्डा नाइके गोगीलाई सुनुवाइका लागि लैजाँदै गर्दा घटना भएको थियो । मारिएका आक्रमणकारीमध्ये एकजनालाई पक्राउ गर्न सहयोग गर्नेलाई ५० हजार रुपैयाँ पुरस्कार घोषणा गरिएको थियो ।
प्रकाशित मिति: १६:२९ बजे, शुक्रबार, असोज ८, २०७८
प्रतिक्रिया दिनुहोस्
थप समाचार
