काठमाडौं, भदौ २८ : यतिखेर काठमाडौं वसन्तपुरस्थित दरबार धमाधम सिँगारिँदै छ । इन्द्रजात्रालगायत चाडपर्व नजिकिएकाले दरबार हेरचाह अड्डाले गद्दी बैठकलगायत वसन्तपुरका महत्त्वपूर्ण सम्पदामा रंगरोगन अगाडि बढाएको हो ।
यो मल्लकालीन दरबार पृथ्वीनारायण शाहले काठमाडौं उपत्यकामा विजय हासिल गरेपछि शाहवंशीय राजाहरूले लामो समय प्रयोग गरेका थिए ।
इन्द्रजात्राका क्रममा यहाँ राष्ट्रपति, प्रधानमन्त्री तथा नेपाल सरकारका उच्च पदस्थ अधिकारीहरू उपस्थित हुने भएकाले त्यसअघि बर्सेनि सिँगार्ने गरिएको छ ।
वसन्तपुर दरबार क्षेत्रमै अवस्थित छ, गद्दी बैठक । हनुमानढोका नामले पनि प्रसिद्ध यो दरबार क्षेत्रमा रहेका अन्य ऐतिहासिक भवन र मन्दिरहरू राजा रत्न मल्लदेखि पृथ्वी वीरविक्रम शाहका पालासम्म निर्माण गरिएका हुन् ।
यस क्षेत्रका अन्य महत्त्वपूर्ण स्मारक हुन्– तलेजु मन्दिर, काष्ठमण्डप, जगन्नाथ मन्दिर, शिवपार्वती मन्दिर, ठूलो घण्टा, कालभैरव, मैजुदेवल, कुमारीघर, वसन्तपुर दरबार, गद्दी बैठक र श्वेतभैरव मन्दिर ।
सिफारिस गरिएको
