प्रतिनिधिसभाको दोस्रो बैठक पनि एमालेद्वारा अवरुद्ध

काठमाडौं, भदौ २५ : प्रतिनिधिसभाको दोस्रो बैठक पनि एमाले सांसदहरूले अवरुद्ध बनाएका छन् ।

१५ मिनट स्थगित भएर पुनः सुरु भएको बैठक रोस्ट्रम अघिल्तिर नाराबाजी गर्दै एमाले सांसदहरूले अवरुद्ध बनाएका हुन् ।

उनीहरूको मागबारे पर्याप्त ध्यानाकर्षण भएको बताउँदै बैठक अगाडि बढाउन सभामुख अग्निप्रसाद सापकोटाले आग्रह गर्दा पनि एमाले सांसदहरूले नाराबाजी कायम राखेका छन् ।