काठमाडौं, चैत २६ : आज देशभर थप तीन सय ३२ जना कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार देशभर चार हजार ६ जनाको पिसिआर परीक्षण गर्दा तीन सय ३२ जनामा संक्रमण पुष्टि भएको हो। योसँगै संक्रमितको संख्या दुई लाख ७९ हजार एक सय पुगेको छ।
त्यस्तै, आज ७९ जना निको भएका छन्। अहिले देशभर ७७ जना क्वारेन्टिनमा रहेका छन् भने दुई हजार चार सय ५४ जना सक्रिय संक्रमित रहेका छन्।
