काठमाडौं– प्रधानमन्त्री केपी शर्मा ओलीले पहिलो चरणमा चार प्रदेशमा प्रतिनिधिसभाको निर्वाचन हुने बताएका छन् । सशस्त्र प्रहरी बलको २०औँ स्थापना दिवसका अवसरमा आज आयोजित कार्यक्रममा उनले वैशाख १७ मा प्रदेश २, गण्डकी, लुम्बिनी र सुदूरपश्चिम प्रदेशमा निर्वाचन हुने बताएका हुन् ।
ओलीले दोस्रो चरणमा प्रदेश १ सहित वाग्मती र कर्णाली प्रदेशमा निर्वाचन हुने जानकारी दिए । आगामी निर्वाचन स्वच्छ, निष्पक्ष र धाँधलीरहित वातावरणमा सम्पन्न हुने उनको दाबी छ ।
उनले भने, ‘निर्वाचन स्वच्छ, निष्पक्ष र धाँधलीरहित हुन्छ । मुलुक निर्वाचनको तयारीमा लागेको छ । सुरक्षा निकायले अहं भूमिका निर्वाह गर्ने बेला आएको छ ।’
