अमेरिकामा दशकौंपछि महिलालाई मृत्युदण्ड
वासिङ्टन, पुस २९ : संयुक्तराज्य अमेरिकामा झण्डै सात दशकपछि पहिलो पटक एक जना महिलालाई अमेरिकी संघीय कानुन बमोजिम मृत्युदण्ड दिइएको छ। एक गर्भवती आमालाई...वासिङ्टन, पुस २९ : संयुक्तराज्य अमेरिकामा झण्डै सात दशकपछि पहिलो पटक एक जना महिलालाई अमेरिकी संघीय कानुन बमोजिम मृत्युदण्ड दिइएको छ।
एक गर्भवती आमालाई हत्या गरेको अभियोगमा जेल सजाय भोगिरहेकी ५२ वर्षीया लिसा मन्टगमेरीलाई घातक सूई लगाएर बुधबार मृत्युदण्ड दिइएको अमेरिकी न्याय विभागले जनाएको छ।
ती महिलालाई इन्डियाना राज्यको टेरी हट कारागार राखिएको थियो।
मन्टगमेरीले सन् २००४ मा गर्भमा रहेको शिशु चोर्ने अभिप्रायले २३ वर्षीय एक महिला बबी जो स्टिनेटको पेट चिरेर हत्या गरेकी थिइन्।
अमेरिकी सर्वोच्च अदालतले मन्टगमेरीलाई मृत्युदण्ड दिनेसम्बन्धी एक आदेश जारी गरेको केही घण्टापछि मृत्युदण्ड दिइएको थियो। अमेरिकी राष्ट्रपति डोनाल्ड ट्रम्पले गम्भीर अपराधमा संलग्नलाई संघीय कानुन बमोजिम मृत्युदण्ड दिनेगरी कार्यकारी आदेश जारी गरेका थिए।
प्रकाशित मिति: १५:२५ बजे, बुधबार, पुस २९, २०७७
प्रतिक्रिया दिनुहोस्
थप समाचार
विश्वभर २८ करोड २० लाख मानिसमा भोकमरीशुक्रबार, वैशाख १४, २०८१
दक्षिण कोरियाद्वारा पहिलो पृथ्वी नानोस्याटेलाइट प्रक्षेपणबिहीबार, वैशाख १३, २०८१
अस्ट्रेलियाको मुद्रास्फीतिदर ३.६ प्रतिशतमा झर्योबुधबार, वैशाख १२, २०८१
फिलिपिन्समा चरम गर्मीका कारण छको मृत्युबुधबार, वैशाख १२, २०८१