एनएसएलमा वीरगञ्ज र इलामबीच पुछारको ब्याटल

काठमाडौं, मंसिर २७ : काठमाडौंमा जारी दोस्रो संस्करणको नेपाल सुपर लिग (एनएसएस)मा छैठौं चरणको खेल चलिरहेको छ।

प्लेफ र पुरछार दुवैको ब्याटल रोमाञ्चक छ। अहिलेसम्म प्लेअफमा को कुन–कुन टिम पुग्छन्, पुछारम को रहन्छ, त्यो टुंगो लागेको छैन। सायद यो रोमाञ्चकता लिगको अन्त्यसम्म रहनेछ।

लिगमा स्पोर्टिङ इलाम एफसी र वीरगञ्ज युनाइटेड पुछारमा छ। बुधबार दशरथ रंगशालामा यिनै दुई टिमबीच पुछारको ब्याटल हुनेछ। खेल साँझ ५ बजे सुरु हुनेछ।

समान ५ खेल खेलेका यी दुई टिममध्ये वीरगञ्ज २ बराबरी र ३ हार व्यहोर्दै २ अंकका साथ पुछारमा छ भने इलाम १ जित र १ बराबरीसहित ४ अंक जोड्दै पुछारबाट एकस्थान माथि छ।

आज जित निकाले इलाम पाचौं स्थानमा उक्लने छ भने जितले वीरगञ्जलाई सातौं स्थानमा पु¥याउने छ। बराबरी भए दुवै यथास्थानमा रहनेछन्।

लिगमा ९ अंकसहित ललितपुर सिटी एफसी शीर्ष स्थानमा छ भने समान ८ अंक जोडेका धनगढी एफसी र काठमाडौं रेजर्स दोस्रो र तेस्रो स्थानमा छन्। धनगढीले ४ खेल खेल्दा ललितपुर र काठमाडौंले ५ खेल खेलेका छन्।