एनसएसएलमा एफसी चितवनमाथि पोखरा थन्डर्सकाे जित

काठमाडौं, मंसिर ९ : नेपाल सुपर लिग (एनसएसएल) को दोस्रो संस्करणअन्तर्गत शनिबार भएको पहिलो खेलमा पोखरा थन्डर्स विजयी भएको छ।

काठमाडौंको दशरथ रंगशालामा भएको खेलमा पोखराले एफसी चितवनमाथि १-० को जित निकालेको हो। पोखरालाई जिताउन विदेशी खेलाडी मोसेस ग्याबा त्वामले गोल गरे। जितसँगै लिगमा पोखरालाई ३ अंक प्राप्त भएको छ।

पोखराका दिनेश राजवंशीले म्यान अफ द म्याच भएर ३० हजार रुपैयाँ पुरस्कार पाए। आज दोस्रो खेलमा साँझ ५ः३० बजे ललितपुर सिटी एफसी र बुटवल लुम्बिनी एफसी भिड्नेछन्।