त्रिकोणात्मक टि-२० सिरिज : आसिफको अर्धशतकमा युएईमाथि नेपालको जित

काठमाडाैं, कात्तिक ६ : टि-२० विश्वकपको छनोटको तयारीका लागि आयोजना गरिएको त्रिकोणात्मक सिरिजमा नेपालले लागता चौथो जित निकालेको छ। सोमबार मुलपानी क्रिकेट मैदानमा भएको खेलमा आसिफ सेखले अर्धशतकीय इनिङ खेलेपछि नेपालले युइईमाथि ५ विकेटको जित निकाल्यो।

पहिला ब्याटिङ गर्दै युएईले दिएको १६५ रनको लक्ष्य नेपालले १९.२ ओभरमा ५ विकेटको क्षतिा भेट्टायो। नेपालका लागि आशिफ शेखले सवौधिक ६२ रन बनाए। उनले ५० बलमा २ छक्का र ६ चौका प्रहार गरे।

यस्तै, कप्तान रोहित पौडेल ४७ रनमा आउट भए। उनले ४२ बलमा २ चौका र १ छक्का प्रहार गरे। दीपेन्द्रसिंह ऐरी १५ बलमै ४० रनको विस्फोटक इनिङ खेल। उनले एक छक्का र ६ चौका प्रहार गरे।

युएईका मुहम्मद जवादुल्लाहले २ विकेट लिए भने अकिफ राजा र जाहुर खानले समान १ विकेट लिए।

त्यसअघि पहिला ब्याटिङ गरेको युएईले ७ विकेटको क्षतिमा  १६४ रन बनायो। युएईका वृत्य अरविन्द र बासिल हमीदले समान ४५ रन बनाए । यस्तै आसिफ खान १८, खालिद शाह १२ रनको योगदान दिए।

नेपालका सोमपाल कामी र अविनाश बोहोराले २ विकेट लिए भने करण केसी र गुल्शन झाले समान एक विकेट लिए।

यो जित सँगै नेपाल लिग विजेताका रुपमा फाइलन पुगेको छ । फाइनल कात्तिक १० गते कीर्तिपुरस्थित टियू मैदानमा हुनेछ।।