ललिता निवास जग्गा प्रकरणमा थप दुईजना पक्राउ 

काठमाडौं, साउन ८ : ललिता निवास प्रकरणमा सिआइवीले थप दुईजनालाई पक्राउ गरेको छ। 

नक्कली मोही रहेको देखिएपछि सकुलनन्द महर्जन र सञ्जय महर्जनलाई पक्राउ गरिएको हो। केन्द्रीय अनुसन्धान ब्युरो (सिआइबी) ले उनीहरूलाई ललितपुरको कुपन्डोल क्षेत्रबाट सोमबार दिउँसो पक्राउ गरिएको जनाएको छ।

बालुवाटारस्थित ललिता निवास जग्गा किर्ते र अनियमितता प्रकरणमा यी दुईजनासहित १९ जना सिआइबीको हिरासतमा रहेका छन्।