रास्वपा उपसभापति अर्याललाई धम्की दिएको आरोपमा एक जना पक्राउ

काठमाडौं, साउन १ : राष्ट्रिय स्वतन्त्र पार्टी (रास्वपा) का उपसभापति डोलप्रसाद (डिपी) अर्याललाई धम्की दिएको आरोपमा प्रहरीले एक जनालाई पक्राउ गरेको छ। पक्राउ पर्ने व्यक्ति खोटाङ घर भएका विजय कालीकोटे हुन्।

कालिकोटेले असार १९ गते दिउँसो १ः२६ बजे मोबाइलमा म्यासेज पठाएर अर्याललाई ज्यान मार्ने आशयको धम्की दिएको प्रहरीको भनाइ छ। यसबारे थप अनुसन्धान भइरहेको जिल्ला प्रहरी परिसर काठमाडौंले जनाएको छ।