एकीकृत समाजवादीको केन्द्रीय सचिवालय बैठक जारी
काठमाडाैं, साउन १ : नेकपा एकीकृत समाजवादीको केन्द्रीय सचिवालय बैठक जारी छ।
कीर्तिपुरको चम्पादेवीस्थित पुष्पलाल स्मृति प्रतिष्ठानमा बैठक केही समयअघि सुरु भएको सो पार्टीका उपमहासचिव जगन्नाथ खतिवडाले जानकारी दिए। बैठकमा राजनीतिक र सैद्धान्तिक विषयमा छलफल हुने बताइएको छ।
पार्टी कमिटीका रिक्त पदमा मनोनयनका बारेमासमेत छलफल हुनेछ। बैठक भाेलि (मंगलबार) सम्म चल्ने सो पार्टीले जनाएको छ।
प्रकाशित मिति: १२:३७ बजे, सोमबार, साउन १, २०८०
थप समाचार
