केन्द्रीय समितिको बैठककाे एजेन्डा तय गर्न सभापति देउवाले पदाधिकारी बैठक

काठमाडौं, असार ३१ : कांग्रेस सभापति शेरबहादुर देउवाले पार्टीका पदाधिकारी र पूर्वपदाधिकारीलाई छलफलका लागि बोलाएका छन्।

केन्द्रीय समितिको बैठकमा पेस गर्ने एजेन्डा तय गर्न देउवाले आफ्नै निवासमा भोलि (सोमबार) दिउँसो २ बजे छलफलका लागि बोलाएका हुन्।

भोलि पदाधिकारी र पूर्वपदाधिकारीसित छलफल गरेपछि पर्सि (मंगलबार) बिहान दुई महामन्त्री गगन थापा र विश्वप्रकाश शर्मासँग सभापति देउवाले फेरि छलफल गर्ने तयारी गरेको एक नेताले बताए। 

गत असार २७ मा बस्ने भनिएको केन्द्रीय समितिको बैठक साउन २ सम्मका लागि स्थगित भएको थियो।