टिचिङका कर्मचारी मृत्यु प्रकरणमा प्रशासन प्रमुखसहित ४ जना पक्राउ

काठमाडौं, असार २९ : त्रिभुवन विश्वविद्यालय मनमोहन कार्डियोथोरासिक भास्कुलर तथा ट्रान्सप्लान्ट सेन्टर महाराजगञ्जका एक कर्मचारीको मृत्यु प्रकरणमा प्रहरीले ४ जनालाई पक्राउ गरेको छ।

परिवारले आत्महत्या दुरुत्साहनको कसूरमा किटानी जाहेरी दिएपछि प्रहरीले प्रशासन प्रमुख भोजकुमार बस्नेतसहित ४ जनालाई पक्राउ गरेको हो। पक्राउ पर्नेमा प्रशासन प्रमुख बस्नेतसँगै फार्मेसी इञ्चार्ज जुना स्थापित, फार्सेसी सहायक विष्णु पौडेल र कृष्ण पन्त छन्।

शुक्रबार बिहान साढे ८ बजेतिर अस्पतालका फार्मेसी इञ्चार्ज अमृत पोखरेल झुण्डिएको अवस्थामा मृत भेटिएका थिए।