बेलायतकी कार्यवाहक राजदूत पिप्पा बर्डद्वारा जनसंख्यामन्त्रीसँग शिष्टाचार भेटवार्ता

काठमाडाैं, असार २७ : बेलायती राजदूतावासकी कार्यवाहक राजदूत पिप्पा बर्डले स्वास्थ्य तथा जनसंख्यामन्त्री मोहनबहादुर बस्नेतसंग शिष्टाचार भेटवार्ता गरेकी छन्।

बुधबार मन्त्रालयमा भएको भेटवार्तामा स्वास्थ्य क्षेत्रमा भएको दुई पक्षीय सहयोग र सम्झौताका विषयमा कुराकानी भएको थियो।

भेटका क्रममा मन्त्री बस्नेतले बेलायत सरकारले नेपालको स्वास्थ्य क्षेत्रको विकासमा सहयोग गर्दै आएको र आगामी दिनमा पनि निरन्तर सहयोग रहने विश्वास अपेक्षा रहेको बताए।

सो क्रममा कार्यबाहक राजदूत बर्डले नेपाल र बेलायतबीच पुरानो दौत्यसम्बन्ध भएको बताएका थिए। त्यस्तै उनले नेपालको स्वास्थ्य क्षेत्र सुदृढीकरण गर्दै स्वास्थ्यकर्मीको क्षमता अभिवृद्विमा सहयोग गर्न बेलायत सरकार प्रतिबद्ध रहेको उल्लेख गरेकाे स्वास्थ्य मन्त्रालयले जनाएको छ।