‘हात्तिछाप’को छायाँकन सुरु
सामाजिक कथावस्तुमा बन्न लागेको फिल्मलाई सिमोस सुनुवारले निर्देशन गर्ने छन्। फिल्मको छायाँकन १ महिनामा सक्ने लक्ष्य निर्माण युटिनको छ।
काठमाडाैं, असार २४ : प्रदीप भारद्वाजले लेखेको फिल्म ‘हात्तिछाप’को छायाँकन सुरु भएको छ। आइतबार बालकुमारीस्थित एक ग्यारेजबाट फिल्मको छायाँकन प्रारम्भक भएको हो।
सामाजिक कथावस्तुमा बन्न लागेको फिल्मलाई सिमोस सुनुवारले निर्देशन गर्ने छन्। फिल्मको छायाँकन १ महिनामा सक्ने लक्ष्य निर्माण युटिनको छ। फिल्म १५ दिन काठमाडौं र १५ दिन पोखरामा खिचिने बताइएको छ।
किरण नेपालीले निर्माण गर्न लागेको फिल्मलाई सुशान्त प्रजापतिले खिच्नेछन्। फिल्म दयाहाङ राई र बेनिशा हमाल मुख्य भूमिकामा छन्। दया र बेनिशा पहिलो पटकसँगै देखिन लागेका हुन्।
फिल्ममा दया र बेनिशाासँगै सौगात मल्ल, उपासना सिंह ठकुरी, बुद्धि तामाङ, विजय बराल, विल्सनविक्रम राई, कमलमणी नेपाललगायतको पनि अभिनय रहेको छ।
प्रकाशित मिति: १३:४८ बजे, आइतबार, असार २४, २०८०
प्रतिक्रिया दिनुहोस्
थप समाचार
