गुडिरहेको बसमा करेन्ट लाग्दा सल्यानमा २ जनाको मृत्यु

सल्यान, असार २१ : यात्रुवहाक बसमा करेन्ट लाग्दा सल्यानमा २ जनाको मृत्यु भएको छ।

दाङको तुलसीपुरबाट रोल्पाको दलसिंगे जाँदै गरेको रा १ ख ८३४ नम्बरमा बिहीबार सल्यानको राप्ती चोर खोला नजिकै करेन्ट लागेको थियो।

हावाहुरीले बिजुलीको तारमा रुख ढलेको र त्यहीँबाट बस पार हुँदा बसमा करेन्ट प्रवाह हुँदा २ जनाको घटनास्थलमै मृत्यु भएको थियो।

घटनामा परी रोल्पाको दलसिंगेका कालुराम डाँगी र टोपीलाल डाँगीको मृत्यु भएको छ । उनीहरू बाबु छोरा भएको बताइएको छ।