काठमाडौंका मेयर बालेनसँग लिखित कारण माग

काठमाडौं, असार १२ः काठमाडौं महानगरका मेयर बालेन्द्र साह (बालेन) विरुद्ध दर्ता भएको अदालतको अवहेलना मुद्दामा सर्वोच्च अदालतबाट लिखित जवाफ पेस गर्न आदेश भएको  छ । 

सर्वोच्च अदालतका न्यायाधीश तिलप्रसाद श्रेष्ठको एकल इजलासमा भएको सुनुवाइपछि मेयर बालेनलाई लिखित जवाफ पेस गर्न आदेश दिइएको हो । उच्च अदालत पाटनले सिनेमा हल सञ्चालकलाई हिन्दी फिल्मको प्रदर्शन नरोक्न महानगरविरुद्ध अन्तरिम आदेश जारी गरेपछि मेयर बालेनले अदालतविरुद्ध अशिष्ट शब्द प्रयोग गर्दै सामाजिक सञ्जालमार्फत आदेश नमान्ने बताएका थिए ।

बालेनको भनाईलाई लिएर अधिवक्ता वर्षाकुमारी झाले गत शुक्रबार सर्वोच्च अदालतमा बालेनविरुद्ध अवहेलना निवेदन दिएकी थिइन् । उक्त प्ररकणमा मेयर बोलनले लिखित जवाफ पेश गरेपछि सुनुवाई हुने छ । सर्वोच्चले आफै वा आफ्नो वारेशमार्फत जवाफ पेश गर्ने सुविधा दिएको छ ।