भाटभटेनी सुपर मार्केटका सञ्चालक मीनबहादुर गुरुङ पक्राउ

काठमाडौं, असार १२ : भाटभटेनी सुपर मार्केटका सञ्चालक मीनबहादुर गुरुङ पक्राउ परेका छन्।

ललिता निवासको जग्गा हडप्न सरकारी कागजात किर्ते गरेको कसुरमा अनुसन्धान गर्न उनलाई पक्राउ गरेको प्रहरीले जनाएको छ।

नेपाल प्रहरीको केन्द्रीय अनुसन्धान ब्युरो (सिआबी) को टोलीले नक्सालस्थित निवासबाटै उनलाई पक्राउ गरेको हो।

२०७७ माघमा विशेष अदालतको सरकारी जग्गा व्यक्तिका नाममा परेको मुद्दामा उनलाई २ करोड धरौटीमा छाडिएको थियो।

ललिता निवासको २९९ रोपनी ३ आना सरकारी जग्गा हिनामिना प्रकरणमा उनी आरोपित छन्। यसअघि उनी फरारको सूचीमा थिए।