भक्तपुर नगरकाे बजेट २ अर्ब २६ करोड ८५ लाख ९४ हजार
बजेटमा सामुदायिक विद्यालयहरुमा कार्यरत कर्मचारी तथा सहयोगीको तलबमा प्रतिव्यक्ति मासिक २ हजारको दरले थप पारिश्रमिक दिने उल्लेख छ।
काठमाडौं, असार १० : भक्तपुर नगरपालिकाकाले आगामी आर्थिक वर्ष २०८०/८१ का लागि २ अर्ब २६ करोड ८५ लाख ९४ हजारको बजेट ल्याएको छ।
नगरपालिकाको चौधौं नगरसभाको बैठकमा उपप्रमुख रजनी जोशीले बजेट प्रस्तुत गरेकाे बजेटको चालूतर्फ १ अर्ब ३७ करोड ९४ लाख र पुँजीगत खर्चतर्फ ७९ करोड ४१ लाख विनियाेजन गरेकाे छ। वित्तीय व्यवस्थातर्फ ९ करोड ५० लाख बजेट विनियोजन भएको छ।
बजेटमा सामुदायिक विद्यालयहरुमा कार्यरत कर्मचारी तथा सहयोगीको तलबमा प्रतिव्यक्ति मासिक २ हजारको दरले थप पारिश्रमिक दिने उल्लेख छ।
सांस्कृतिक सङ्ग्रहालय निर्माणका लागि ५० लाख, कोसेली घर बनाउन ५० लाख, शीत भण्डार निर्माण गर्न १ करोड, खानेपानी व्यवस्थापन तथा आकाशे पानी संकलनको लागि १ करोड रुपैयाँ छुट्याइएको छ।
त्यस्तै खेलकुद अन्तर्गत महेश्वरी स्टेडियम निर्माणमा १ करोड ५० लाख, बेखाल कभर्ड हल निर्माणमा १ करोड, नगरभित्रका उपयुक्त पोखरीहरुलाई पौडी पोखरीको रुपमा विकास गर्न ५० लाख, देको मिवा इटापाके आवास योजनाका लागि १८ करोड छुट्याइएको छ।
