खाण, रायमाझी र पाण्डेसहित १६ जनालाई पुर्पक्षका लागि थुनामा राख्न आदेश 

काठमाडौं, असार १ : जिल्ला अदालत, काठमाडौंले नक्कली शरणार्थी प्रकरणमा पूर्वमन्त्री बालकृष्ण खाण र टोपबहादुर रायमाझी र सचिव टेकनारायण पाण्डेसहित १६ जनालाई पूर्पक्षका लागि थुनामा राख्न आदेश गरेको छ। 

जिल्ला न्यायाधीश प्रेमप्रसाद न्यौपानेको प्रतिबादी लक्ष्मी महर्जन र टंक कुमार गुरुङलाई भने धरौटीमा छाड्ने आदेश दिएको छ। इजलासले मर्हजनलाई पाँच लाख र  गुरुङलाई दश लाख रुपैयाँ धरौटीमा छाड्न आदेश दिएको जनाइएको छ।

थुनछेक वहश सकिएपछि इजलासले उक्त आदेश दिएको हो । सरकारी वकीलले जवाफी वहशमा प्रमाण नष्ट हुन सक्ने भएकाले थुनामै राखेर मुद्दाको पुर्पक्ष गर्न माग राखेका थिए। 

उनीहरूलाई थुनामा राख्न कारागार चलान गरिनेछ।