घुससहित वडाअध्यक्ष र वडा सचिव पक्राउ
बुधबार वडाध्यक्षसहित सोही वडाका सचिव अमृतनारायण मिश्र पनि घुससहित पक्राउ परेका छन्।
धनुषा, जेठ ३१ : धनुषाको नगराइन नगरपालिका वडा नं २ का वडाध्यक्ष बुलन यादव ७० हजार घुससहित पक्राउ परेका छन्। बुधबार वडाध्यक्षसहित सोही वडाका सचिव अमृतनारायण मिश्र पनि घुससहित पक्राउ परेका छन्।
वडाध्यक्ष यादव र वडा सचिव मिश्रले सडक निर्माण कार्य सम्पन्न सिफारिस गरिदिएबापत सेवाग्राहीसँग घुस माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोग बर्दिवासले पक्राउ गरेको हो।
दुरुपयोग अनुसन्धान आयोगका प्रवक्ता भोला दाहालका अनुसार सेवाग्राहीबाट ७० हजार घुस लिइसकेको अवस्थामा घुस रकमसहित नगराइन चोक धनुषाबाट नियन्त्रणमा लिइएको हो। उनका अनुसार उनीहरूलाई नियन्त्रणमा लिएर थप अनुसन्धान भइरहेको ।
प्रकाशित मिति: २०:३७ बजे, बुधबार, जेठ ३१, २०८०
प्रतिक्रिया दिनुहोस्
थप समाचार
