‘जनताको भेट राज्यसँग तिरो तिर्ने बेलामा मात्रै हुन्छ’

काठमाडाैं, जेठ २८ : सांसद प्रदीप पौडेलले अर्थमन्त्री डा प्रकाशशरण महतलाई संसद्मा उठेका विषयलाई कसरी बजेटमा समावेश गर्नुहुन्छ? भन्दै प्रश्न गरेका छन्। मुलुकको अर्थचतन्त्रमा देखिएको समस्या लामो बेथितिको शृङ्खलाको विकसित रुप भएको उनकाे टिप्पणी छ। 

उनले भने, 'एउटा किसान बाँदर आतंकदेखि जलवायु परिवर्तनसम्मका अनगिन्ती समस्यासँग जुधिरहेको हुन्छ तर उसको राज्यसँगको भेट केवल तिरो तिर्ने बेलामा मात्रै हुन्छ, यस्तो अवस्था सधैँ रहिरहने हो भने सरकारले अघि सारेका कार्यक्रम कसरी पूरा हुन्छन्?'

सरकारले प्रस्तुत गरेको आगामी आवको बजेटले श्रम र शिक्षालाई व्यावहारिक रुपमा जोड्न नसक्ने उनकाे दाबी छ। सांसद पौडेलले बजेटमा नागरिक पेन्सनको व्यवस्था गर्ने सकारात्मक विषय भए पनि त्यसलाई पूर्ण रुपमा व्याख्या गर्नुपर्नेमा जोड दिए।