कोशी प्रदेशका माओवादी मन्त्रीले दिए राजीनामा

काठमाडौं, जेठ २३ : माओवादी केन्द्रबाट कोशी प्रदेश सरकारमा सहभागी दुई मन्त्रीले राजीनामा दिएका छन्।

माओवादी केन्द्रले कोशी प्रदेशमा एमाले नेतृत्वको सरकारलाई दिएको समर्थन फिर्ता लिने निर्णय गरेपछि भौतिक पूर्वाधार विकासमन्त्री दुर्गाप्रसाद चापागाईं र पर्यटन, वन तथा वातवरणमन्त्री जीवन आचार्यले पदबाट राजीनामा दिएका हुन्।

उनीहरुले मंगलबार नै मुख्यमन्त्री हिक्मतकुमार कार्कीलाई राजीनामा बुझाएका छन्। उनीहरू गत पुस २५ गते मन्त्री नियुक्त भएका थिए ।

माओवादी र जसपाले समर्थन फिर्ता लिएसँगै मुख्यमन्त्री हिक्मतकुमार कार्की अल्पमतमा परेका छन्।