स्वास्थ्य मन्त्रालयलाई ८३ अर्ब ९९ करोड बजेट, ९८ प्रकारका औषधि निःशुल्क

काडमाडौं, जेठ १५ : सरकारले स्वास्थ्य जनसंख्या तथा वतावरण मन्त्रालयलाई ८३ अर्ब ९९ करोड रुपैयाँ बजेट विनियोजन गरेकोको छ।

मन्त्रालय अन्तर्गत सरकारले ९८ प्रकारका औषधि, खोप लगायतका आधारभूत स्वास्थ्य सेवा निःशुल्क उपलब्ध गराउने घोषणा बजेटमार्फत गरेको छ।

यस्तै, बजेट भाषण गर्दै अर्थमन्त्री डा. प्रकशकरण महतले मुलुकभरका ६ हजार ७ सय ४३ वडाका आधारभूत स्वास्थ्य सेवा केन्द्रबाट यो सुविधा लिन सकिने जनाए।

औषधि, खोप लगायतका आधारभूत स्वास्थ्य सेवा निःशुल्क उपलब्ध गराउन १ अर्ब २८ करोड विनियोजन गरेको आगामी आर्थिक वर्ष २०८०/०८१ का लागि बजेट प्रस्तुत गर्दै अर्थमन्त्री महतले बताए।

कार्यक्रम अन्तर्गत स्वदेशमा ‍नै उत्पादित औषधि खरिद गर्न प्राथमिकता दिइने समेत बताएको छ। बहुसंख्यक जनताले सेवा प्राप्त गर्ने गरी पायक पर्ने स्थानमा आधारभूत अस्पताल निर्माण तथा सञ्चालन गर्न प्राथमिकता दिइने समेत बताएको छ।