प्रतिनिधिसभाको बैठक आज ४ बजे बस्ने
सभामुख देवराज घिमिरले बैठक शनिबार साँझ ४ बजेका लागि बोलाएका छन्।
काठमाडौं, जेठ १३ : शुक्रबार प्रमुख प्रतिपक्षी दल नेकपा एमालेको अवरोधका स्थगित भएको प्रतिनिधिसभाको बैठक आज बस्दैछ। सभामुख देवराज घिमिरले बैठक शनिबार साँझ ४ बजेका लागि बोलाएका छन्।
शुक्रबारको बैठकमा पशुपतिमा लगाइएको जलहरीको विषयलाई लिएर माओवादीका सांसद लेखनाथ दाहालले प्रश्न उठाएपछि संसदीय मर्यादा नाघेको भन्दै प्रमुख प्रतिपक्षी नेकपा एमालेका सांसदहरूले संसद् अवरुद्ध पारेका थिए ।
नेताहरुका अनुसार सभामुख देवराज घिमिरेको कार्यकक्षमा औपचारिक रुपमै तीनवटा सर्वदलीय बैठक बसे पनि पशुपतिनाथको मन्दिरमा राखेको जलहरीबारे उठेको प्रश्न र त्यसउपर संसदले गर्न सक्ने कार्यका सम्बन्धमा निचोड निकाल्न सकेन।
त्यसपछि संघीय संसद्ले विज्ञप्ति जारी गर्दै शनिबार ४ बजेका लागि बैठक बोलाएको हो।
प्रकाशित मिति: ०७:३८ बजे, शनिबार, जेठ १३, २०८०
प्रतिक्रिया दिनुहोस्
थप समाचार
