शरणार्थी प्रकरणमा अदालतमा आरोपीको बयान सुरु

काठमाडौं, जेठ १२ : नेपालीलाई भुटानी शरणार्थी बनाएर अमेरिका पठाउने भन्दै भएको ठगीमा संलग्न रहेको आरोपमा पक्राउ परेकाहरुमाथि बयान सुरु भएको छ। बयान काठमाडौं जिल्ला अदालतमा सुरू भएकाे हाे।

काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा केशव दुलाल र सागर राईको बयान सुरु भएको हो। साेसहित अन्य ठाउँमा इजलास राखिएका छन्।

नक्कली भुटानी शरणार्थी प्रकरणमा मुछिएका ३० जनाविरुद्ध बुधबार ठगी, सरकारी कागजात किर्ते, संगठित अपराध, राष्ट्रहितविरुद्धको कसुरलगायत अभियोगमा मुद्दा दायर भएको थियो।

१४ जना फरार रहेकाले १६ जनाको बयान लिइने बताइएकाे छ। बयानपछि उनीहरुलाई थुनामा राख्ने, धरौटी माग्ने वा सामान्य तारिखमा छाड्ने भनी ‘थुनछेक’ बहस हुनेछ।