अवरूद्ध वीपी राजमार्ग खुल्यो, लेदोमा पुरिएका गाडी निकालिँदै
काठमाडाैं, जेठ १ः आइतबार राति भीषण वर्षा भएपछि बाढी आउँदा अवरुद्ध भएको वीपी राजमार्ग सञ्चालनमा आएको छ।
रोशी गाउँपालिकाको कालढुंगा र चिउरीबासीमा लेदोसहितको बाढी आएपछि राजमार्ग अवरुद्ध भएको थियो ।
लेदो हटाएर सडक खुलाइएको जिल्ला प्रहरी कार्यालय काभ्रेले जानकारी दिएको छ । कालढुंगामा बाढीसँगै आएको लेदोमा चारवटा गाडी पुरिएका थिए । गाडी लेदोमा पुरिए पनि चालक र यात्रु भने सकुशल रहेको प्रहारीले जनाएको छ ।
चिउरिबासमा सडकसँगै क्षेत्रबहादुर लामाको घर पनि लेदोले पुरिएको छ।
प्रकाशित मिति: १०:५७ बजे, सोमबार, जेठ १, २०८०
थप समाचार
