सत्तारुढ गठबन्धन दलको बैठक बस्दै

काठमाडौं, वैशाख २० : सत्तारुढ गठबन्धन दलको बैठक आज बस्ने भएको छ। बैठक दिउँसो ३ बजे प्रधानमन्त्री निवास बालुवाटारमा बस्ने प्रधानमन्त्री पुष्पकमल दाहालका प्रेस विज्ञ मनोहरि तिमिल्सिनाले बताए।

बैठकमा मन्त्रिपरिषद् विस्तार, सरकारको नीति तथा कार्यक्रम र समसामयिक राजनीतिक विषयमा छलफल हुनेछ ।

यस्तै, गठबन्धनमा रहेपनि सरकारमा सहभागी नभएका दललाई समावेश गरेर मन्त्रिपरिषद् विस्तार गर्ने विषयमा छलफल हुने बताइएको छ।

त्यस्तै, आज बिहान ११ बजेका लागि मन्त्रिपरिषद्को बैठकसमेत बोलाइएको प्रधानमन्त्रीको सचिवालयले जनाएको छ।