उपनिर्वाचनमा स्थानीयकाे उत्साह

काडमाडाैं, वैशाख १० : अहिले तीन क्षेत्रमा प्रतिनिधिसभाको उपनिर्वाचन जारी छ। तनहुँ १, चितवन २ र बारा २ मा स्थानीयले बिहान ७ बजेदेखि मतदान गरिरहेका छन्।

गर्मीको मौसम भएकाले मतदानका लागि बिहानै तीनै क्षेत्रमा मतदानको भीड लागेको छ। ज्येष्ठ नागरिक, बिरामी, अशक्त अपांग, किरियापुत्री लगायतलाई लाइनमा नबसी भोट हाल्न पाउने व्यवस्था मिलाइएको छ ।

गत मंसिर ४ को प्रतिनिधिसभा निर्वाचनमा तनहुँ १ बाट निर्वाचित नेपाली कांग्रेसका नेता रामचन्द्र पौडेल राष्ट्रपति भएकाले र बारा २ बाट निर्वाचित जसपाका रामसहायप्रसाद यादव उपराष्ट्रपति भएकाले उपनिर्वाचन भएको हो ।

यसैगरी चितवन २ बाट निर्वाचित राष्ट्रिय स्वतन्त्र पार्टीका सभापति रवि लामिछानेको नागरिकता सर्वोच्च अदालतले खारेज गरिदिएसँगै उनको सांसद पद गुमेकाले त्यहाँ पनि उपनिर्वाचन गरिएको हो ।

तस्बिर रासस