राैतहटमा प्रदर्शनकारी र प्रहरीबीचकाे झडपमा गाेली लागेर एक जना घाइते
राैतहट, चैत २९ : रौतहटको गरुडा बजारमा प्रदर्शनकारी र प्रहरीबीच झडप हुँदा प्रहरीकाे गाेली लागेर एक जना घाइते भएका छन। स्थिति तनाबग्रस्त बनेपछि प्रहरीले १६ राउन्ड अश्रुग्यास, एसएलआर र राइफलले गोली प्रहार गरेको थियो ।
साथै प्रहरीले चार जना प्रदर्शनकारीलाई नियन्त्रणमा लिएकाे छ।
प्रहरीकाे गाेली लागेर गरुडा नगरपालिका ५ लक्ष्मीपुरका २२ वर्षीय गजेन्द्र यादव घाइते भएका हुन् । यादवकाे कोहिने हातमा गोली लागेकाे छ।
मेयरका उम्मेदवार दीपक यादवको टोलीले गरुडा नगरपालिकाको कार्यालयमा ताल्चा लगाउन खोजेपछि प्रदर्शनकारी र प्रहरीबीच झडप भएको थियो । यादवको टोलीले सूचनाको माग गर्दै केही दिनदेखि नै नगरपालिपकाविरुद्ध प्रदर्शन गर्दै आएको छ ।
प्रकाशित मिति: १७:४४ बजे, बुधबार, चैत २९, २०७९
प्रतिक्रिया दिनुहोस्
थप समाचार
-1784896419.png)
