तस्बिरमा ६२औं सहकारी दिवस

काठमाडौं, चैत २० : नेपालमा हरेक वर्ष चैत २० गते राष्ट्रिय सहकारी दिवस मनाइन्छ। नेपालको पहिलो सहकारी २०१३ चैत २० गते चितवनमा स्थापना भएको थियो।

उक्त दिन खुलेको सहकारीको नाम बखानपुर ऋण सहकारी संस्था हो। त्यस दिन नै सहकारी आन्दोलनको सुरुवात भएको भन्दै सहकारीकर्मीहरूले हरेक वर्ष चैत २० गते राष्ट्रिय सहकारी दिवस मनाउने गरेका हुन्।

सोही सन्दर्भमा आज देशभर ६२औं राष्ट्रिय सहकारी दिवस विभिन्न कार्यक्रम गरी मनाइँदैछ। आज राष्ट्रिय सहकारी महासंघ, कृषि, भूमि व्यवस्था तथा सहकारी मन्त्रालयलगायतको आयोजनामा विविध कार्यक्रम भइरहेको छ।

राष्ट्रिय सहकारी महासंघले यस वर्षका लागि पनि अघिल्लो वर्षकै नारा ‘दिगो विकास लक्ष्य प्राप्तिका लागि सहकारी’ तय गरेको छ। सहकारी विभागका अनुसार देशभर ३४ हजारभन्दा बढी सहकारी क्रियाशील छन्।