उपराष्ट्रपति निर्वाचनमा राप्रपाले मतदान नगर्ने

काठमाडौं, चैत  ३ : नयाँ उपराष्ट्रपति चयनका लागि आज हुने मतदानमा राष्ट्रिय प्रजातन्त्र पार्टी (राप्रपा) ले भाग लिनेछैन् । 

राप्रपाले गएको बुधबार बसेको केन्द्रीय कार्यसम्पादन समितिको बैठकबाट उपराष्ट्रपति निर्वाचनमा मतदान नगरी तटस्थ बस्ने निर्णय गरेको हो।  

राप्रपाबाट प्रतिनिधिसभामा १४ र प्रदेशसभामा २८ सांसद छन्। उनीहरूको कुल मतभार दुई हजार ४५० हुन्छ। 

राप्रपा गएको राष्ट्रपति निर्वाचनमा पनि तटस्थ बसेको थियो। मतदानका लागि बिहान १० देखि दिउँसो ३ बजेसम्मको संघीय संसद् भवनको ल्होत्से हलमा मतदान हुनेछ ।