एमाले संसदीय दलको उपनेतामा सुवास नेम्वाङ मनोनित
काठमाडौं, फागुन २९ : नेकपा एमालेको संसदीय दलको उपनेतामा सुवास नेम्वाङ मनोनित भएका छन् ।
एमालेका अध्यक्ष तथा संसदीय दलका नेता केपी शर्मा ओलीले पार्टीका उपाध्यक्ष समेत रहेका नेम्वाङलाई उपनेता मनोनित गरेका हुन् ।
नेम्वाङ अघिल्लोपटक पनि उपनेता थिए । यसपटक राष्ट्रपतिको निर्वाचनमा पार्टीले उम्मेदवार बनाएपनि उनी पराजित भएका थिए । राष्ट्रपतिको निर्वाचनमा पराजित भएपछि ओलीले नेम्वाङलाई उपनेता बनाएका हुन् ।
प्रमुख सचेतक र सचेतकमा यसअघि नै पदम गिरी र महेश बर्तौंला मनोनित भइसकेका छन् ।
प्रकाशित मिति: १५:५८ बजे, सोमबार, फागुन २९, २०७९
प्रतिक्रिया दिनुहोस्
थप समाचार
