तस्बिरमा हेर्नुहोस्, शीतलनिवासमा राष्ट्रपतिको स्वागत र बिदाइ 

काठमाडौं, फागुन २९ : नवनियुक्त राष्ट्रपति रामचन्द्र पौडेलको औपचारिक रुपमा शीतलनिवास प्रवेश भएको छ ।

फागुन २५ गते नेपालको तेस्रो राष्ट्रपतिका रुपमा निर्वाचित भएका पौडेलले सोमबार शपथ ग्रहण गरेलगत्तै शीतलनिवासमा प्रवेश भएको हो । शीतलनिवासमा उनलाई नेपाली सेनाले २१ तोपको सलामीसहित स्वागत गरेको छ ।

निवर्तमान राष्ट्रपति विद्यादेवी भण्डारीले आफू बसेको कुर्सीमा पौडेललाई बसाएर राष्ट्रपतिको पद हस्तान्तरण गरेकी थिइन् । त्यसपछि निवर्तमान राष्ट्रपति भण्डारी शीतलनिवासबाट बिदा भएकी थिइन् । 

भण्डारीको बिदाइमा नेपाली सेनाले २१ तोपको सलामी दिएको थियो । शीतलनिवास छाड्दै गर्दा भण्डारीलाई राष्ट्रपति पौडेलले उनको कारसम्म छाेडेका थिए । 

शीतलनिवासबाट बिदा भएकी भण्डारी बालुवाटारस्थित छोरीको घरमा बस्नेछिन् भने राष्ट्रपति पौडेल बोहराटारबाट शीतलनिवास सरेका छन् । 

तस्बिरहरू : प्रदीपराज वन्त