युएईविरुद्ध रोहित पौडेलको अर्धशतक 

काठमाडौं, फागुन २८ : कप्तान रोहित पौडेलले अर्धशतक पूरा गरेका छन् । 

आइसीसी विश्वकप क्रिकेट लिग–२ अन्तर्गत त्रिवि क्रिकेट मैदानमा युएईविरुद्ध ब्याटिङ गरिरहेको नेपालका लागि कप्तान पौडेलले २९.४ ओभरमा अर्धशतम पूरा गरेका हुन् । 

अर्धशतक पूरा गर्ने क्रममा पौडेलले सात चौका प्रहार गरेका छन् । ओडिआईमा उनको यो आठौं अर्धशतक हो । 

टस जितेर पहिले ब्याटिङ गरेको नेपालले सातौं ओभरमै तीन विकेट गुमाएको थियो । ओपनरद्वय आशिफ शेख र कुशल भुर्तेल दोस्रो र चौथो ओभरमा आउट हुँदा सातौं ओभरमा कुशल मल्ल आउट भएका थिए । त्यसपछि क्रिजमा आएका भीम सार्की २९ रन बनाएर २१.६ ओभरमा आउट भएका थिए ।

सार्कीको विकेटपछि आरिफ शेखले कप्तान पौडेलसँग साझेदारी गरिरहेका छन् । खेलको ३० औं ओभर सकिँदा नेपालले १३० रन बनाएर खेलिरहेको छ ।