एकदिवसीय अन्तर्राष्ट्रियमा आसिफको पहिलो शतक

काठमाडौं, फागुन २५ : पपुवा न्युगिनीविरुद्धको खेलमा नेपालका ओपनर आसिफ शेखले शतक पूरा गरेका छन् ।एकदिवसीय अन्तर्राष्ट्रियमा आसिफको पहिलो शतक हो ।  आइसीसी विश्वकप क्रिकेट लिग–२ अन्तर्गत त्रिवि क्रिकेट मैदान कीर्तिपुरमा जारी खेलमा शेखले १०१ बलमा १० चौका र ६ छक्काको मद्दतमा १०० रन पूरा गरेका हुन् । 

टस हारेर ब्याटिङको निम्तो पाएको नेपालका लागि शेख र कुशल भुर्तेलले ओपनिङ गरेका थिए ।पहिलो विकेटका लागि ११० रनको साझदोरी गरेका कुशल भुर्तेल व्यक्तिगत ४५ रनमा आउट भए ।

आसिफ ३७ औं ओभरको चौथो बलमा आउट भए । ११० बल खेलेका आसिफले १२ चौका र दुई छक्काको मद्दतले ११० रन बनाएर आउट भए। 

आसिफ नेपालका लागि एकदिवसीय क्रिकेटमा एक हजार रन पूरा गर्ने दोस्रो खेलाडी पनि बनेका छन् ।  उनले ३२ इनिङ्समा एक हजार रन पूरा गरेका हुन् । यसअघि नेपालका लागि रोहित कुमार पौडेलले एक हजार रन बनाएका थिए ।