तस्बिरमा होली उमंग

काठमाडाैं, फागुन २२ : आज (सोमबार) फागुन पूर्णिमा अर्थात् रङहरुको पर्व होली। आज पहाडी जिल्लाका बासिन्दाले यो पर्व रौनकतासाथ मनाइरहेका छन्। भोलि (मंगलबार) तराईका जिल्लामा यो पर्व मनाइँदैछ।

असत्यमाथि सत्यको विजयको प्रतीक, पारिवारिक एवं सामाजिक एकताको पर्वका रुपमा पनि यो पर्व मनाउने प्रचलन छ। होली आपसमा विभिन्न रङ तथा अबीर लगाएर मनाउने चलन छ।

यस पर्वका अवसरमा आज काठमाडौंको वसन्तपुरमा उपस्थित हुनेहरुले विशेष रुपमा होली अर्थात् फागुपूर्णिमा पर्व मनाइरहेका छन्। पोखरा पनि रौनकमय बनेको छ। नेता तथा कलाकारहरु पनि यो पर्वमा रमाइरहेका छन्। 

त्रेता युगमा दैत्यराज हीरण्यकश्यपुले विष्णुभक्त आफ्ना पुत्र प्रह्लादलाई मार्ने उद्देश्यले ब्रह्माबाट आगोले छुन नसक्ने वरदान पाएकी आफ्नी बहिनी होलिकालाई प्रह्लादका साथ दन्किरहेको आगोमा पस्न लगाउँदा होलिका आफैं भष्म भएकी तर भक्त प्रह्लादलाई आगोले छुन नसकेको कथा यो पर्वसँग जोडिएको छ।

त्यसै बेलादेखि शक्तिको दुरूपयोग गर्ने पापी प्रवृत्तिकी प्रतीक बनेकी होलिका मारिएको उपलक्ष्यमा होली (फागु) खेल्ने परम्परा चलेको मानिन्छ। 

तस्बिरहरू ः रासस, सामाजिक सञ्जाल