फेवातालमा डुंगा पल्टिँदा एक वृद्धा गम्भीर घाइते

पोखरा, फागुन २० : फेवातालमा डुंगा पल्टिँदा एक वृद्धा गम्भीर घाइते भएकी छन्। 

घाइते हुनेमा पोखरा महानगरपािलका–१ बगर बस्ने ७० वर्षीय याममाया गिरी रहेको प्रहरीले जनाएको छ।

आज (शनिबार) करिब साढे ४ बजेतिर तालमा डुंगा पल्टिएको जिल्ला प्रहरी कार्यालय कास्कीले जनाएको छ।

डुंगामा सवार ६ जनाको भने उद्धार गरी उपचारका लागि गण्डकी मेडिकल कलेजमा लगिएको जनाइएको छ। याममायाबाहेकको अवस्था सामान्य रहेको जनाइएको छ।