सुदूरपश्चिमका मुख्यमन्त्री शाहले २१ गते विश्वासकाे मत लिने
काठमाडाैं, फागुन १९ : सुदूरपश्चिम प्रदेशका मुख्यमन्त्री कमलबहादुर शाहले फागुन २१ गते विश्वासको मत लिने तयारी गरेका छन। प्रदेशसभा सचिवालयलाई शुक्रबार पत्र पठाउँदै मुख्यमन्त्री शाहले विश्वासको मत प्रयोजनका लागि आवश्यक व्यवस्थापन गरिदिन आग्रह गरेका छन।
सभामुख भीमबहादुर भण्डारीका अनुसार आइतबार दिउँसो १ बजे बस्ने प्रदेशसभा बैठकमा मुख्यमन्त्री शाहले विश्वासको मत लिनेगरी व्यवस्थापन भइरहेको छ ।
मुख्यमन्त्री शाहको पक्षमा कांग्रेसका १९, माओवादीका १०, नागरिक उन्मुक्ति पार्टीका ७, नेकपा एकीकृत समाजवादीका ४ र एक जना स्वतन्त्र समेत गरेर ४१ जना देखिएका छन् । सबै मत प्राप्त गरेमा शाहले दुई तिहाइ भन्दा बढि मत पाउनेछन् ।
प्रकाशित मिति: १८:३१ बजे, शुक्रबार, फागुन १९, २०७९
थप समाचार
