प्रदेशको नामाकरण भएको खुसियालीमा कोशी प्रदेशमा आज सार्वजनिक बिदा 

काठमाडौं, फागुन १८ : कोशी प्रदेशमा आज सार्वजनिक बिदा दिइएको छ । प्रदेशको नामाकरण भएको खुसियालीमा आज प्रदेशभर सार्वजनिक बिदा दिइएको हो । 

बुधबार बसेको प्रदेश सभा बैठकमा प्रदेश १ को नाम ‘कोशी’ र ‘किराँत–लिम्बुवान–सगरमाथा’ गरी दुई प्रस्ताव टेबुल भएका थिए । तर तीन ठूला दलहरु नेकपा एमाले, नेपाली कांग्रेस र नेकपा माओवादी केन्द्र ‘कोशी’को पक्षमा थिए ।  

‘कोशी’को पक्षमा ८२ मत परेपछि बहुमतले प्रदेशको नामाकरण भएको हो । २०७४ को चुनावपछि प्रदेशसभाको पहिलो कार्यकाल सकिँदा समेत प्रदेश–१ ले नामाकरण गर्न सकेको थिएन । दोस्रो कार्यकाल सुरु भएको चार महिनामा प्रदेशको नामाकरण भएको छ । 

सोही खुसियालीमा आज प्रदेशभर सार्वजनिक बिदा दिइएको हो ।