प्रतिनिधि सभाको बैठक चैत ५ गतेसम्मका लागि स्थगित

काठमाडौं, फागुन १७ : प्रतिनिधि सभाको बैठक स्थगित भएको छ । 

आज दिउँसो १ बजेका लागि तय भएको बैठक स्थगित गरिएको संसद सचिवालयले जानकारी दिएको छ । 

संसद सचिवालयले जारी गरेको सूचनामा आजको बैठक विशेष कारण बस्न नसक्ने उल्लेख छ । अब अर्को बैठक चैत ५ गते दिउँसो १ बजे बस्ने भएको छ ।  

फागुन २५ गते राष्ट्रपतिको चुनावलगत्तै चैत ३ गते उपराष्ट्रपतिको निर्वाचन हुने छ । उपराष्ट्रपतिको निर्वाचन पछि मात्रै प्रतिनिधि सभाको बैठक बस्ने भएको हो । 

प्रधानमन्त्री पुष्पकमल दाहाल ‘प्रचण्ड’ले राष्ट्रपति र उपराष्ट्रपतिको निर्वाचन पछि मात्रै विश्वासको मत लिने भनेका छन् । सम्भवतः सोही बैठकमा प्रधानमन्त्रीले विश्वासको मत प्रस्ताव गर्नेछन् ।