नेकपा एमालेको ‘ग्रास रुट’ अभियान आजबाट, ओलीले भर्चुअल सम्बोधन गर्ने 

काठमाडौं, फागुन ५ : नेकपा एमालेका ‘ग्रास रुट’ अभियान आजबाट सुरु हुने भएको छ । गत २६ माघमा बसेको एमाले स्थायी कमिटीको बैठकको निर्णयअनुसार आजबाट ले ग्रास रुट अभियान सुरु हुन लागेको हो । 

एमाले अध्यक्ष केपी शर्मा ओली सात प्रदेश र विशेष प्रदेशमा आयोजना हुने अभिमुखीकरण कार्यक्रमलाई भर्चुअल सम्बोधन गरेपछि अभियान सुरु हुने एमालेले जनाएको छ ।

बैठकले अभियानको उद्देश्य, कार्ययोजना र कार्यादेशका बारेमा छलफल गरेर टुङ्गो लगाउँदै अभियानअन्तर्गत पार्टी केन्द्रीय कमिटी सदस्यहरू पालिका तहमा दुई महिना खटिने छन् । जसअनुसार एक केन्द्रीय सदस्यलाई ३ वटा पालिकाको जिम्मेवारी दिइएको छ ।