ग्यास सिलिन्डर विस्फोटमा गम्भीर घाइते भएकी सांसद भण्डारीकी आमाको निधन 

काठमाडौं, फागुन ४ : गएराती खाना पकाउने ग्यास सिलिन्डर विस्फोटमा गम्भीर घाइते भएकी सांसद चन्द्र भण्डारीकी आमा हरिकला भण्डारीको निधन भएको छ । 

बिहीबार बिहान कीर्तिपुर अस्पतालमा उपचारको क्रममा भण्डारीकी आम हरिकलाको निधन भएको अस्पतालले जानकारी दिएको छ । 

सिलिन्डर विस्फोटमा परेका सांसद भण्डारीको स्वास्थ्यअवस्था पनि गम्भीर रहेको अस्पतालले जनाएको छ । उनलाई उपचारका लागि देशबाहिर लैजान समेत अस्पतालले सिफारिस गरिसकेको छ । अहिले आइसियुमा राखेर भण्डारीको उपचार हुँदैछ । 

उनलाई थप उपचारका लागि भारत लैजाने तयारी गरिएको छ ।