चन्द्र भण्डारी र उनकी आमालाई थप उपचारका लागि भारत लैजाने तयारी 

काठमाडौं, फागुन ४ : नेपाली कांग्रेसका नेता डा. चन्द्रकान्त भण्डारी र उनकी आमालाई थप उपचारका लागि भारत लगिने भएको छ । बुधबार साँझ ग्यास सिलिन्डर विस्फोट हुँदा भण्डारी र उनकी आमा घाइते भएका थिए । 

घाइते भएका दुबै जनाको उपचार र्कीर्तिपुर अस्पतालमा भइरहेको छ । बिहीबार बिहान अस्पतालले विज्ञप्ति जारी गर्दै नेपालमा उपचार सहज नहुने भएकाले दुबै जनालाई देश बाहिर लगि उपचार गर्न सिफारिस गरिएको जनाएको छ । 

अस्पतालका अनुसार नेता भण्डारीको २५ देखि ३० प्रतिशत र उनकी आमा ८७ वर्षीय  हरिकला भण्डारीको शरीरको ७० प्रतिशत भाग जलेको अस्पतालले जनाएको छ ।  

अस्पतालका जलन उपचार विभागका प्रमुख डा किरण नकर्मीका अनुसार उपचारका लागि भारत लैलानेबारे छलफल भइरहेको छ । भण्डारीको घरमा गएराति करिब १० बजेतिर ग्यास सिलिन्डर विस्फोट भएको थियो ।