भौतिक मन्त्रालयका २० कर्मचारीको सरुवा, सडक विभागका महानिर्देशक मन्त्रालय तानिए (सूचीसहित)

काठमाडौं, फागुन ३ : भौतिक पूर्वाधार तथा यातायात मन्त्रालयले मन्त्रालयअन्तर्गतका २० कर्मचारीको सरुवा गरेको छ । 

उपप्रधान तथा भौतिक पूर्वाधार तथा यायतायात मन्त्री नारायणकाजी श्रेष्ठले मन्त्रीस्तरीय निर्णय गर्दै २० कर्मचारीहरुको  सरुवा पदस्थापन तथा काज गरेका हुन् । 

मन्त्री श्रेष्ठले सडक विभागका महानिर्देशक अर्जुनजंग थापालाई मन्त्रालय तानेका छन् । उनले सडक विभागको महानिर्देशकमा एडिबी आयोजना निर्देशनालयका आयोजना निर्देशक सुशिल बाबु ढकाललाई पठाएका छन् ।

त्यस्तै विभागको उपमहानिर्देशकको जिम्मेवारीमा रहेका रामहरी पोखरेललाई उपमहानिर्देशको जिम्मेवारीमा निरन्तरता दिएर विकास सहायता कार्यान्वयन महाशाखाबाट योजना तथा अनुगमन महाशाखामा पठाइएको छ ।

विभागका उपमहानिर्देशक उमेशविन्दु श्रेष्ठको एडीबी आयोजना निर्देशनालयमा आयोजना निर्देशकमा काज गरिएको छ । यस्तै डा। विजय केसीलाई सडक विभागको उपमहानिर्देशकको जिम्मेवारी दिइएको छ ।