टर्की भूकम्प : २८ हजार भन्दा बढीकाे मृत्यु, हजारैं घाइते

काठमाडाैं, माघ २९ : टर्की र सिरियामा गत सोमबार भएको भूकम्पमा परी हालसम्म २डड हजार एक सय ६५ जनाको मृत्यु भएको छ । भूकम्पमा परी हजारौँ घाइते भएका छन् ।

उद्धारकर्मीहरूका अनुसार टर्कीएमा २४ हजार छ सय ८५ जना तथा सिरियामा तीन हजार पाँच सय जनाले ज्यान गुमाएका छन् । मानवीय सहायता परिचालनमा समन्वय गरिरहेका संयुक्त राष्ट्रसङ्घका अधिकारीले करिब ५३ लाख सिरियाली घरबारविहीन भएका अनुमान गरेको छ । 

भूकम्पले भत्काएको भवनको भग्नावशेषबाट शुक्रबार एक सय पाँच घण्टापछि उद्धार गरिएकी एक महिलाको आज मृत्यु भएको छ ।

भूकम्प गएको एकसय २९ घण्टापछि एकै परिवारका पाँच सदस्यको जीवितै उद्धार गरिएको छ । 

कठ्याङ्ग्रिने चिसोमा पनि आश मारेका मानिसलाई सकुशल भेट्दा आफन्त भावविभोर भएका छन् । आज नौ जनालाई जीवितै उद्धार गरिएको छ ।