संसद भवनमा जब राष्ट्रपति भण्डारी पुगिन् (फोटो फिचर) 

काठमाडौं, माघ २७ : राष्ट्रपति विद्यादेवी भण्डारीले शुक्रबार संघीय संसदको संयुक्त बैठकलाई सम्बोधन गरेकी छन् ।

आफ्नो कार्यकाल सकिनै लाग्दा राष्ट्रपति भण्डारीले शुक्रबार नयाँ बानेश्वरस्थित संघीय संसद भवन पुगेर राष्ट्रिय सभा र प्रतिनिधि सभाको संयुक्त बैठकलाई सम्बोधन गरेकी हुन् । 

राष्ट्रपति भण्डारीलाई संसद भवनको परिसरमा नेपाली सेनाको टुकडीले सम्मान अर्पण गरेको थियो । 

आजको बैठकमा उपराष्ट्रपति नन्दबहादुर पुन, प्रधानमन्त्री शेर बहादुर देउवा, नेपाली कांग्रेसका सभापति शेर बहादुर देउवा, नेकपा एमालेका अध्यक्ष केपी शर्मा ओली ,एकीकृत समाजवादीका अध्यक्ष माधवकुमार नेपाल लगायतका सबै शीर्ष नेताहरुको उपस्थिती थियो । 

संसदलाई एक घन्टाभन्दा बढी समय सम्बोधन गरेकी राष्ट्रपति भण्डारीले देशको अर्थतन्त्र सुधारका लागि सरकारले गर्नुपर्ने कामहरुका बारेमा सुझाव दिएकी थिइन् । त्यस्तै कृषि, शिक्षा लगायतका क्षेत्रको सुधारका लागि पनि सरकारले तत्काल गनुपर्ने कामहरुका बारेमा उनले आफ्नो धारणा राखेकी थिइन् ।

सबै तस्बिर : प्रधानमन्त्रीकाे सचिवालय