चलचित्र विकास बोर्ड सल्लाहकार समितिका संयोजक नीर शाहले दिए राजीनामा 

काठमाडौं, माघ २६ : चलचित्र विकास बोर्डको सल्लाहका समितिका संयोजक नीर शाहले राजीनामा दिएका छन् ।  शाहसँगै समितिका सदस्य सुशान्तकुमार श्रेष्ठले बुधबार राजीनामा दिएका हुन् । 

बोर्डको सल्लाहकार समितिमा बसेर सक्रिय भूमिका निर्वाह गर्न नसकेको भन्दै शाह र  श्रेष्ठले बुधबार राजीनामा बुझाएका हुन् ।

यसअघि बोर्डकै अर्का सदस्य रविन्द्र खड्काले राजीनामा दिएका थिए।  राजीनामा पत्रमा सल्लाहकार समितिको सल्लाहलाई बोर्डले ध्यान नदिएको उल्लेख छ ।

बोर्डका अध्यक्ष भुवन केसीले तीन महिनाअघि शाह संयोजक रहने गरी सल्लाहकार समिति गठन गरेका थिए।