पाकिस्तानका पूर्वराष्ट्रपति परबेज मुसर्रफको निधन 

काठमाडौं, माघ २२  ः पाकिस्तानका पूर्वराष्ट्रपति परबेज मुसर्रफको निधन भएको छ । 

आइतबार संयुक्त अरब इमिरेट्सको एक अस्पतालमा उपचारको क्रममा ७९ वर्षीय मुसर्रफको निधन भएको अलजजिराले उल्लेख गरेको छ। 

उनी कमैलाई मात्र लाग्ने एमलोइडोसिस् रोगबाट पीडित थिए । उनी ३ हप्तादेखि अस्पतालमा भर्ना भिए । उनको निधनप्रति पाकीस्तानी सेनाले दुख व्यक्त गरेको छ ।

मुसर्रफ पाकिस्तानी सेनाको पूर्वप्रमुख हुन्। सन् १९९९ मा सैनिक कुमार्फत उनले सत्ता हात पारेका थिए । सैनिक कुबाट पाकिस्तानको कार्यकारी अधिकार हातमा लिएका मुसर्रफ सन् २००१ देखि २००८ सम्म पाकिस्तानको राष्ट्रपति बनेका थिए।